Skip to main content

Posts

Featured

又學人講吓美股

其實呢幾年都已經投資左好耐美股、但係成績都係普普通通。想起六七年前就開始想投資科技股類別、因為當時成日用Facebook所以就決定盲舂舂買咗一次、當時$62入、但係經驗不足過咗幾日又跌又升最後都係賺咗一兩蚊就走、結果當然係後悔都嚟唔切。事隔咁多年之後喺投資方面學咗不少知識、最近又嘗試用VCP方法投資、巧合地又篩選出Facebook出來、希望今次自己嘅判斷係正確啦。 今次可以話俾自己知買入嘅原因係因為FB最近有大成交量創52週新高位、應該有機構基金進入、冇套牢賣壓、20天平均線係50天平均線和200天平均線上方、過去五個季度營銷同利潤增長顯著、現金流強勁、下一季盈利報告前應該可以再帶動股價上升、$239.65買入、位損位$221等到六月尾七月頭睇吓成績如何啦! 另外留意到同一板塊Snapchat最近有所上漲行動、現在觀察中、雖然股價走勢圖有點似VCP、但比我感覺係落後股追落後、如果有大成交量突破股價上升應該會小注買入。

Latest Posts

Welcome to my Blog